25 Junho 2013
Timor-Leste Dudu Cambodia Tun ba 5° Lugar
sporTimor, 25 Junho 2013
FAM-FRENZ U-15 ASEAN Champions Trophy 2013.
Selesaun Timor Leste Sub-15 manan Cambodia 4-1 iha jogu ba dahat halao ohin, 25/6, iha Dili. Ho rezultadu ne'e Timor-leste dudu-tun tiha Cambodia ba kraik hodi okupa 4° lugar iha klasifikasaun Grupu A nian.
Iha inicio jogu, ho "operasaun tatika", Timor ho Cambodia tenta explora malu hodi impor planu orientadu husi ida-idak nia treinador. Cambodia tama ho forsa maxima nebe consegue difikulta operasaun "uma-nain" nian. Curiosamente, jogador Cambodia sira mesak ki'ik deit kompara ho "raca" Timor nian, maibe sira konsege halimar bola "bonito" ala "samba tiki-taka" nian. Rezultadu husi performance PPCFC Academy iha 1st half mak fura uluk Timor nia guarda-rede (0-1).
Ho "raca", timoroan sira senti katak tenki haka'as-an hodi inverte no duni tuir rezultadu, e ho motivasaun extra, nudar "uma-nain", lafaek hatudu duni nia "raca" e ho kosar-suli konsege fo resposta hasoru ba Cambodia ho rezultadu "bokur", 4-1. La fasil maibe ho kondisaun fizika no explorasaun tatika balun lori ita nia selesaun hakat-liu tiha dezafiu ida ne'e.
Selesaun Timor Leste halo jogu dala hat ona, manan ida (1), empata ida (1) no lakon dala-rua (2). Ho rezultadu jogu ida ne'e Timor-Leste muda fatin ba 4° lugar iha klasifikasaun Grupu A nian.
Hein katak ho jogu ida ne'e, serve ba jogador sira atu alimenta motivasaun no esperansa, no liliu ekipa teknika sira atu prepara condicoes ba proximo jogu sira tuir mai. Tuir kalendariu, Timor Leste sei simu Singapura.
Hatudu ITA BELE, maibe diak liu ho sportivismu, kualidade no profissionalismu.
Selesaun Timor Leste Sub-15 manan Cambodia 4-1 iha jogu ba dahat halao ohin, 25/6, iha Dili. Ho rezultadu ne'e Timor-leste dudu-tun tiha Cambodia ba kraik hodi okupa 4° lugar iha klasifikasaun Grupu A nian.